منتديات قرية حليوة

اهلا ومرحبا بكم في منتدى قرية حليوه ونرجو من الله ان ننال رضا الجميع

يا حليوه يوم دقيت بارضك فاس خصيب والتانيه في يوم الوعد

نورتونا ياشباب مرحب بيكم كتير في المنتدى وربنا يقدرنا علي الوفاء لقرية حليوة .. ونقدر برضو نفيد بعضنا بي مواضيع هادفة وجيدة ،،،،، .،،،،،،،،،
في فكرة لعمل مكتبة لشاعر القرية وشاعر السودان الكبير محمد طه القدال .. اولا دايرين عضو استشير عمنا القدال عن الفكرة دي ... وبعدها يجمع لينا اكبر قدر من القصائد .. وتحية من هنا للقدال
تهنئ ادارة منتدي قرية حليوة جميع الاهل ولاحباب بقرية حليوة بحلول عيد الاضحي المبارك .. وكل عام والجميع بالف خير وصحة وعافية وربنا يعيدو علي نا وعليكم بالخير واليمن والبركات انشاء الله ا

    فى رثاء القامه حميد ــ أزهرى محمد على

    شاطر

    تصويت

    أعجبنى

    مجموع عدد الأصوات: x
    avatar
    احمد محمد عبدالله السائح

    عدد المساهمات : 34
    نقاط : 102
    تاريخ التسجيل : 30/11/2010
    العمر : 36
    الموقع : الخرطوم

    بطاقة الشخصية
    حليوة : 2

    فى رثاء القامه حميد ــ أزهرى محمد على

    مُساهمة من طرف احمد محمد عبدالله السائح في الإثنين فبراير 24, 2014 7:14 am

    جرح الوطن ختالنا خط
    مامنو نطط
    وحميد ختالنا خط مامنو نط
    الليلي ياموت يا حيا
    خاتي البختار الوسط خاتي البختار الوسط
    يافطون
    فطن حميد فطمنا غنانا
    لاطاطينا لاسبنا الخيول تاطانا
    قدمناه امام لاضلا لا ضلانا
    ماهاب السجون مافزه من سيطانا
    وكت الكور حما ثابت ركز لبطانا
    لكن البلاد باعت ايادى بطانا
    عالجه بالرحيل مدت وراه لسانا
    جربه بالعويل قلبت حديثه رطانا
    حنسه بالهديل رخت الحبيبه اضانا
    ذى كل الطيور دايما تحن لوطانا
    ماضاق الوطن بس كبرت الزنزانا
    ويادى البلاد الكل ماطايبتها
    فتحت على جرحك جرح
    الكل مانقطلها الكلمات عسل
    نزلت على خاطرك ملح
    لاتاكت ابوابها الانيقه ورحبت
    لاليله بجيتك فرح
    يادى البلاد
    وين نحن هسى فى ياتو ليل
    فى يات صباح
    كل الشوارع تشتبه فيك
    وتشابه بعضها
    كل البيوت الواقفه طولها
    تستبيح فى عرضها
    وانا روحى تشتاق لبلاد
    كان طينى من طين ارضها
    ديك البلاد اللابتفوت فيك وكت
    لايوم بتترك فرضها
    يوماتى واصله بالحنين
    يوماتى هى الفى النوم
    تجيلك برضها

    اشتقت ليها الشوق غلب
    اشتقته انزع همى
    فى عتبات بيوتها الواسعه
    وانزع فى ضل عصاريها التعب
    غنيتا بادب المديح
    سمت غناى قلة ادب
    ومشيت وراها ضريح ضريح
    فتشت فى كل القبب
    دقشت وراء الرزق الشحيح
    ما اغنى مالها وماكسب
    شغلوها بالنبى والمسيح
    واتقاسموها رتب رتب
    فى كل حته حصار حصار
    فى كل فجه لهب لهب
    صمدت امام وابل الرصاص
    سقطت امام وابل الخطب
    حنيت عليها من الضهب
    حنيت على زحمة خطاها
    التايه بين رحمه وغضب
    حنيت على دمى المشتت
    فيها بين زنجى وعرب
    حنيتا ياخى بلا سبب
    ما دى البلاد الا جلبتها
    للمدائن الصاخبه مقطوعة رحم
    ولاتركتها فى الفيافى الشاحبه
    مجهولة نسب
    ولا رفعتها فى الرماح
    ولامرقتها للمنافى
    الواسعه تزروها الرياح
    انا كنت كل ماالليل يفلل بندها
    ياصابره حى ياصابره حى
    ياصاااابره حى على الفلاح
    ياصاااابره حى على الفلاح
    ياصابره حى على الليالى
    الفاتحه لي وش الصباح
    ياصابره حى على المدائن
    الفاضله والقول المباح
    لو كنت اقدر انزعك
    من مخالب الخوف وجلجلة السلاح
    ماكنت تانى رجعت ليك
    خاوى اليدين دامى الخطى
    ومكسور جناح
    ولاكان نسيتك فى الزحام
    تتعاطى مر الذكريات الفاجعه
    والخدر الحرام
    يادى البلاد الكل ماطايبتها
    طاب ليها فى النفق المقام
    زوجتها الحلم الجميل
    خطبت خفافيش الضلام
    وغنيته ما شاء الهديل
    رطنت بما شاء الامام
    راوضتنى وروضت كل الحواس
    وهدهدت فى صحوى
    شهوات المنام
    ياطفله ابلغ من غناى
    واجله عن كل الكلام
    فرت ضفايرها ضفتين
    والرمش تعريشة غمام
    والثغر شبين من حليب
    والصدر برجين للحمام
    جلست فما ابهى الجلوس
    وقامت فما اسمى القيام
    دخلت على الناس المسره
    ومرقت على الارض السلام
    وياصابره مادام الاسف
    اسف على صبرك معاى
    اسف على صبرك على
    اسف على صبر السنين المره
    عام من بعد عام
    واسف اذا طال الشتات
    فى الغربه او عزا المرام
    واسف اذا طرف المدن
    فراها اجنحة الخيام
    ونذرتي عمرك للنزوح
    للجوع واسلمت الطعام
    واسف على هذا الكلام
    اسف على هذا الكلام
    اسف
    وداعاً اخي صديقي وحبيبي حميد..

      الوقت/التاريخ الآن هو السبت ديسمبر 15, 2018 10:14 am