منتديات قرية حليوة

اهلا ومرحبا بكم في منتدى قرية حليوه ونرجو من الله ان ننال رضا الجميع

انضم إلى المنتدى ، فالأمر سريع وسهل

منتديات قرية حليوة

اهلا ومرحبا بكم في منتدى قرية حليوه ونرجو من الله ان ننال رضا الجميع

منتديات قرية حليوة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يا حليوه يوم دقيت بارضك فاس خصيب والتانيه في يوم الوعد

نورتونا ياشباب مرحب بيكم كتير في المنتدى وربنا يقدرنا علي الوفاء لقرية حليوة .. ونقدر برضو نفيد بعضنا بي مواضيع هادفة وجيدة ،،،،، .،،،،،،،،،
في فكرة لعمل مكتبة لشاعر القرية وشاعر السودان الكبير محمد طه القدال .. اولا دايرين عضو استشير عمنا القدال عن الفكرة دي ... وبعدها يجمع لينا اكبر قدر من القصائد .. وتحية من هنا للقدال
تهنئ ادارة منتدي قرية حليوة جميع الاهل ولاحباب بقرية حليوة بحلول عيد الاضحي المبارك .. وكل عام والجميع بالف خير وصحة وعافية وربنا يعيدو علي نا وعليكم بالخير واليمن والبركات انشاء الله ا

    ثلاثه مقاطع لطفل ما ــ أزهرى محمد على

    تصويت

    أعجبنى

    احمد محمد عبدالله السائح
    احمد محمد عبدالله السائح


    عدد المساهمات : 34
    نقاط : 102
    تاريخ التسجيل : 30/11/2010
    العمر : 41
    الموقع : الخرطوم

    بطاقة الشخصية
    حليوة : 2

    ثلاثه مقاطع لطفل ما ــ أزهرى محمد على Empty ثلاثه مقاطع لطفل ما ــ أزهرى محمد على

    مُساهمة من طرف احمد محمد عبدالله السائح الإثنين فبراير 24, 2014 7:28 am

    ثلاثه مقاطع لطفل ما
    كلمات: أزهرى محمد على

    مدخل اول:
    من كان منكم بلا خطيئه فليرمها بحجر
    أعلمُ أنك حجر لا تضر ولا تنفع
    ولو لا أنني رأيتُك تكسر جدار الصمت العربى لما قَبلتُك.

    مقطع أول:
    كانت نضالاتَكْ حِلم زي كُلْ علامات الأسى
    تسلب مخاوفنا وتعيد لبيوتنا
    حلم الانتصار
    أو زي حكايات المساء
    تَلهِب عواطِفْنا وتموت
    بيناتنا فى وضَح النهار
    يا مْصَحِّى جُوانا الغضب
    يا مْذكِّى فى نفوسنا اللهب
    يوم كان ثباتنا والانكسار
    كانت نضالاَتكْ حِلم
    والحلم من دونه الكوابيس
    والأرْضِ من دُوَنا المتاريس
    والرَكْب قِدَّامو المطاميس البوار
    تدفِن توارِيبَكْ قَمِح تَطْرَح قنادِيلك دَمار
    لَمِلم جراحاتَك للشَّمس
    تَنْضَح مسامتَكْ غُنا
    وتَمْطِر سماواتك حُجار


    مقطع ثانى:
    وسْوسْتَكْ بِكِلْمة سِّرْ
    عَوّزتَكْ من عين الناس الشافيه
    كَلّمْتَك بالموت والبعْث
    بالعرس الأكبر وصيِّتَكْ
    زَفّيتَك للمدن الدافيه
    حدّثْتَك بالفرق الواضح جداً
    ما بين الدِين والمافيا
    عتّقتَكْ بدمِ الشُهداء
    جَرْتَقتَك بعرق العافيه
    قَدَّمتَكْ ودسَّيتْ فى إيدك
    حجرين واللون والقافيهْ

    مقطع ثالث:
    بتْسَاسِق يا ولدى نهارك
    تسأل عن اسم وهويه وجِنْسْ
    تسأل عن بيت أو رِمْسْ
    وتعود والليل كضَّاب
    سجيِّل سجيَّل غضبك وحجارك
    تاهتْ بين القفطان والكاب
    بين خُطب الأسياد اللّخْمَه
    البال الخمران بالتُّخْمَه
    وقانون الغاب
    والأرِض البينك ما بينا
    ألغَام ومُلوك وكلابْ
    بِنْسِلَّها حتماً يا ولدى
    من بين المِخْلب والناب!


      الوقت/التاريخ الآن هو الإثنين مايو 13, 2024 9:07 am